Vazhdon pa pushim vera e dashurisë e Leonardo DiCaprio-s. Aktori fitues i Oskarit u pa teksa mbërriti këtë fundjavë në Hamptons jashtë Nju-Jorkut me një grua misterioze në krah të tij.
Sipas imazheve të siguruara nga Page Six, 48-vjeçari Leonardo DiCaprio, mbërriti me helikopter dhe i veshur shumë rastësisht; ndërsa vajza që e shoqëronte ishte e veshur më chic, me pantallona të gjata bezhë dhe taka të kombinuara me një xhaketë bomber lëkure të zezë.
Sapo zbritën, të dy u ndihmuan nga sigurimi në një SUV të zezë, të cilin më pas e çuan drejt Hamptons.
Identiteti i kësaj gruaje, që dyshohet si e dashura e re e aktorit, është ende i mbuluar me mister dhe nuk dihet as emri i saj. Ky është një tjetër thashethem që ka të bëjë me jetën private të aktorit.
Që kur Leonardo DiCaprio dhe Camila Morrone u ndanë gushtin e kaluar pas 4 vitesh lidhje, aktori është parë disa herë me modele bukuroshe në krah, edhe pse të gjithë shumë të rinj.
Kjo pamje misterioze në Hamptons vjen vetëm pak javë pasi protagonisti i Wolf of Wall Street u pa në jahtin e tij me modelen e re Meghan Roche, një mike e Gigi Hadid, me të cilën DiCaprio besohet se ka pasur një flirt.
Kapitullit është portal i pavarur i lajmeve, i themeluar nga një grup gazetarësh kosovarë në vitin 2019. Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të portalit Kapitulli.com, në përputhje me kushtet e përdorimit.
Email: [email protected]
2025 © Kapitulli - Të gjitha të drejtat janë të rezervuara
