Problemet financiare të Barcelonës gjatë viteve të fundit kanë qenë mirë të dokumentuara dhe ani pse gjërat dukej se po përmirësoheshin gradualisht, ka ende një rrugë të gjatë për të bërë para se të rivendoset barazia.
Shpenzimet mund të bien, por ka ende një shumë të majme parash që blaugranasit duhet të paguajnë shkaku i transferimeve që kanë kryer më herët.
Mediumi spanjoll Sport ka dhënë detaje në lidhje me këto figura dhe lojtari që po iu kushton më së shumti është Raphinha.
Në total, Barcelona i ka borxh Leeds Unitedit rreth 42.5 milionë euro nga marrëveshja e cila u arrit në vitin 2022, ani pse vetëm 500 mijë euro duhet të paguhen në një të ardhme të afërt.
Në rastin e Ferran Torres, ata i kanë borxh Manchester Cityt 26 milionë euro, 13 prej të cilave duhet të paguhen në një të ardhme të afërt ndërsa 13 të tjera afatgjatë.
Raste të tjera përfshijnë transferimet e Jules Kounde për të cilin ata i kanë borxh Sevillas rreth 24.5 milionë euro dhe për Robert Lewandowskin për të cilin disa klube duhet të paguhen, përfshirë Bayern Munich.
Barcelona eventualisht duhet t’i shlyejë të gjitha këto borxhe në mënyrë që të vazhdojnë përmirësimin e krizës financiare.
Kapitullit është portal i pavarur i lajmeve, i themeluar nga një grup gazetarësh kosovarë në vitin 2019. Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të portalit Kapitulli.com, në përputhje me kushtet e përdorimit.
Email: [email protected]
2024 © Kapitulli - Të gjitha të drejtat janë të rezervuara
