Five Tibetans (Pesë tibetianë) është një sistem ushtrimesh të thjeshta dhe të lehta që nuk kërkojnë kushte të veçanta ose përgatitje të veçantë fizike
Vlera e tyre reflektohet në rritjen e energjisë, gjendjen më të mirë dhe rikthimin e vitalitetit të përgjithshëm natyror të organizmit.
Të krijuara në Himalajet, të njohura edhe si Pesë Ritet e Rinovimit, ushtrimet mbërritën në Perëndim në fillim të shekullit të 20-të.
Pesë tibetianë marrin 15 minuta gjatë ditës, por për shkak të kësaj ata mund të rrisin ndjeshëm forcën fizike dhe fleksibilitetin, si dhe mprehtësinë mendore, duke rikthyer vitalitetin, gjendjen e mirë fizike dhe ndjenjën e kënaqësisë.
Ju mund ta përsërisni çdo ushtrim shtatë herë (nëse ndiheni të dobët, filloni me tre përsëritje të secilit ushtrim).
Çdo javë nëse keni qenë të rregullt, rrisni numrin e përsëritjeve. Për shembull, nëse filloni me tri, javën tjetër bëni pesë, pastaj shtatë, pastaj 14 dhe kështu me radhë derisa të arrini qëllimin tuaj, që është 21 përsëritje të çdo ushtrimi, transmeton Telegrafi.
Janë pesë pozicione që përbëjnë këtë rutinë ushtrimesh:
Tibetiani i parë – Rrotullimi: Qëndroni dhe shtrini krahët në lartësinë e shpatullave. Ngadalë ktheheni në drejtim të akrepave të orës, derisa të ndieni një marramendje të lehtë.
Tibetian i dytë – ngritja e këmbëve: Shtrihuni në shpinë me krahët pranë trupit. Merrni frymë dhe ngrini të dyja këmbët në një pozicion vertikal, ndërsa njëkohësisht ngrini kokën drejt gjoksit. Nxirrni frymën dhe ngadalë ulni këmbët dhe kokën përsëri në dysheme.
Tibetiani i tretë – mbështetja në shpinë: Gjunjëzohuni në dysheme me gjunjët në gjerësinë e ijëve dhe vendosni pëllëmbët në pjesën e poshtme të shpinës. Merrni frymë dhe përkuluni mbrapa, duke e përkulur kokën. Nxirrni frymën kur ktheheni në pozicionin e drejtë.
Tibetiani i katërt – ura: Uluni në dysheme me këmbët e shtrira përpara dhe vendosni pëllëmbët në dysheme pranë ijëve. Merrni frymë dhe ngrini ijët lart ndërsa përkulni gjunjët, duke krijuar një pozicion të ngjashëm me urën. Koka duhet të jetë pak e përkulur prapa. Nxirrni frymën kur ktheheni në pozicionin ulur.
Tibetiani i pestë – e kundërta e shkronjës V: Filloni në një pozicion dërrase (plank), me duart dhe këmbët tuaja në dysheme. Merrni frymë dhe ngrini ijët lart, duke formuar një formë V të përmbysur (qeni me fytyrë nga poshtë). Pastaj, ndërsa nxirrni frymën, ulni ijët drejt dyshemesë, duke harkuar shpinën dhe duke ngritur kokën (qen me shikim nga lart).
Kapitullit është portal i pavarur i lajmeve, i themeluar nga një grup gazetarësh kosovarë në vitin 2019. Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të portalit Kapitulli.com, në përputhje me kushtet e përdorimit.
Email: [email protected]
2024 © Kapitulli - Të gjitha të drejtat janë të rezervuara
